ఎదురు చూపుల దారిలో..

ఎదురు చూస్తుంది
చకోర పక్షి
స్వాతి వాన చినుకుకై

జల జలా రాలాయి
వర్షపు చినుకులు
మండుటెండలను
కప్పేస్తున్న మేఘాలను
చీల్చుకుంటూ

ఎంత సంబరమెంత
సంబరమో ...
రెక్కలల్లారుస్తూ
చకోరానికి
ఒంటికాలి విన్యాసాలే ...

అలల పై తేలుతున్న
ఆల్ చిప్పలు
అలవోకగా ఆ
చినుకులను పట్టేసి
కడుపులో దాచుకుని
పోయాయి సంద్రమడుగుకు

ఆనందంలో ఒళ్ళుమరచిన
పక్షి నిజం తెలుసుకునేంతలో
ముత్యాలయిన స్వాతి చినుకుల
చూస్తూ మురిసిపోతున్నాయి
ముత్యపు చిప్పలు ...

చకోరం కంటివెంట
కన్నీటి చుక్కలు
ఎదురు చుపుల దారిలో
తిరిగి చిక్కుకున్నాయి ....!..
*****