మరపు మడి "

ఆయువు తీరి ఆవిరి అవుతున్న
అనురాగాలను మనసుపొరల మధ్య
ఇరికించాలనే తాపత్రయం
ఎందుకో ఈ పిచ్చిమనసుకు ...

చూపులను దాటి పోయిన నీ రూపం
దూరంగా జరిగిపోయిన నీ అడుగులు
అంతరంగ ఆలోచనల చిక్కుముడిని
మాత్రం విప్పలేక వేసారుతున్నాయి ..

నిప్పుల కొలిమి అయినా ఈ నిజం
మనసు హద్దుకొనక తప్పనిదే అయింది

శవం కాలుతున్న వాసన గుండె చుట్టూ ..
అగ్ని జ్వాలలకాహుతైన మదిభస్మం
కనురెప్పల కట్టలను తోసుకుంటూ
ప్రవహించే గంగా యమునల సంగమంలో
కలిసి పునీతమవుతూ మరుపు మడి చేరుతుంది ..!