దాలు లక్ష్మి నారాయణ గారు ..

శీర్షిక ; "సీతాకోకచిలుకై .".

స్వాతి చినుకులు
కురిసే వేళా ..
సంబ్రంతో మది నాట్యమాడి ..
రంగు రంగుల భ్రమరమై
లోకాలన్నీ చుట్టేస్తున్నది...

తరలిపోతున్న మేఘాల పైనుండి
పచ్చని పచ్చిక తివాచిని తాకుతూ
వంగింది ఇంద్రధనుసు ...
ఇటునుంచటు ...
అటునుంచిటు...
ఉరకలు వేస్తున్నది..
పరుగులు తీస్తున్నది ..
అల్లరిగా మనసు ..
సీతాకోక చిలుకై..

పూవు పూవున వాలి
మధువునంతా గ్రోలి ..
దాచుకుంటుంది ఎదగదిలో ..
పచ్చని చెట్టువలె హృదయం
ఆ మధువుకు ఆసరా తానవుతుంది..
ఎంత ఆనందం..
సీతాకోకచిలుక బ్రతుకు ధన్యం..

ఉరుములు , మెరుపులు జడి వానలు
పెను తుఫాను ..ఉప్పెనలు ..
ఆషాడం దాటిన శ్రావణంలో
ఊహకందని దారుణం
చెట్టు కూలిపోయెను..
దాచుకున్నది జారిపోయెను ..
రెక్కలు చిరిగి ..తనువు విరిగి ..
అందని ఊపిరితో ఆ క్రిమి
అల్లాడుతూ అసువులు బాసెను ...

మనిషి జీవితం ...
ఓ రంగు రంగుల
ఆర్బాటం..
అందుకోవాలన్నది దొరకదు..
దొరికినది అక్కరకు రాదు..
సమన్వయపు తూకంలో
జీవించటం తప్ప ..
గత్యంతరం లేదు..
భ్రమరమై తిరిగితే ..
బడుగు నీటి పాలుగాక తప్పదు మరి..!!

- సుజాత తిమ్మన..
హైదరాబాదు..18/7/2018
************************************