*బంధనం ********

మాటలన్నీ మౌనాలయినాయి
భాషలన్నీ బరువై
కంటి రెప్పలకింద దాగినాయి

ఏ దశకో చేరిన హృదయం
నీ సరసన నిలిచినా చంద్రోదయం
నీ ప్రేమ సుధారసం
ఆస్వావాదించిన మనసుకిదే అమృతోదయం

నీ దూరంలోని చింతలన్నీ
ఆలకించిన రామచిలుకకే తెలుసునులే
కలవరింతలలో కలలు
సిగను చేరిన సిరి మల్లెలకే సొంతములే

కలువల సాక్షిగా మనం
కలుసుకున్న ఈ సమయం
పరుచుకున్న వెన్నెల నీడలో
ఇదే మన ప్రమాణాల పరిణయం

నీ చూపులలో ఒలికే సింధూరం
ఎన్నటికీ చెదరనిదీ ఈ కుంకుమతిలకం
నీ బాహువులలో బిగిసిన ఈ బంధనం
లోలకుల సాటి మురిసే ముక్కెర సంబరం ..!