అమ్మ అద్భుతమే..అమ్మ !!

అమ్మ కడుపులో జీవం పోసుకున్న క్షణం నాకు తెలియదు కానీ...
అమ్మనవుతున్నానన్న నిజం తెలిసిన క్షణం ...
అనిర్వచనీయమైన అనుభూతుల సమాగమనమే..నాలో...

అమ్మ ఆలింగానాల నులి వెచ్చని స్పర్శని ఎదగదిలో దాచుకొని..
నా పొత్తిళ్ళ చేరిన పాపాయికి అందించా...బద్రంగా....
అమ్మ వేలు పట్టుకొని నేర్చుకున్న నడకలను  అనుసరిస్తూ...
తప్పతడుగులను  తడబడ కుండా...నేర్పించా...నా చిట్టితల్లికి..

జీవిత పయనంలో ఎదురు గాలులకు ...వడ దెబ్బ తగలకుండా..
గమ్యం చేర్చాలనే తాపత్రయంతో ..పైటచెంగు చాటు చేసా...
అమ్మాయిని అబలగా చూసే లోకంలో ...ఆత్మస్థైర్యం నింపుతూ..

పది నెలలు మోసి ...పురిటి బల్లపై పంటి బిగువున బాధను భందిస్తూ
పెదవంచున చిరునవ్వు నింపుకున్న నా బంగారు తల్లిని చూస్తూ..
నా కడుపున జడి ఉండలు చుట్టుకుపోతుంటే...ముక్కోటి దేవతలకు మొక్కుకున్నా..
అమ్మమ్మని చేసిన మనవడిని ముద్దులతో ముంచేస్తూ...
అమ్మ...!!సృష్టిలో నిర్వచనం లేని అద్భుతం...అమ్మ...!! అనుకున్నా..!!