అనగా...అనగా...

కాసీ మజిలీ కథలు ...
కాకమ్మ కబుర్లయ్యాయి...
కంప్యుటర్లొ కార్టూనమ్మల ...
కాకా వికలకే ..
బాల్యం బానిసయ్యింది

ఆంక్షలు పెట్టే
అమ్మానాన్నల చూపుల తప్పుకొని
బామ్మల కొంగుచాటు చేసుకొని
పప్పు బెల్లాలారగించిన పసితనం
పోటీతత్వాల పాకుడురాళ్ళపై
జారి జీవం కోల్పోతుంది.....

అనగా..అనగా..
అని చెప్పే పెద్దరికం
వ్యర్ధ పదార్ధమై...
పారేసిన విస్తారే అయిపొయింది...!!
చిత్రకారుని కుంచెలోని
అపురూప చిత్రమై
మది పొరల కెలుకుతుంది...!!