ఆత్మగా మిగిలి....

కుసుమిస్తున్న
మందారంలా ఉన్న నన్ను...
కోసి పూల సజ్జలో వేస్తావనుకున్నా.......

అనురాగ మందిరంలో
అప్రురూపంగా
దాచుకుంటావనుకున్నా

విప్పని రేఖులను విడదీసి....
పుప్పొడి రేణువుల
పిడికిట నలిపేసావు...

వలపు తీవెల
ఊయలలూగాలని
అశల పొదరిళ్ళ
అల్లి బిల్లి ముగ్గులేసిన నేను...
నీ అహంకారపు అకృత్యానికి
శ్వాసలను అర్పించి
నేల రాలిన విరినై...
ఆత్మగా మిగిలి..
నీ అంతరంగం చదవాలనే
నీ అనుభూతుల చుట్టూ
తిరుగుతున్నా...!!