మౌన భాషతో
నీ హృదయంపై
కనుల కలంతో వ్రాస్తున్నా....
చూపుల శుభలేఖా....
ఇదే నా మొదటి
ప్రేమలేఖా...

నేను కుశలమేనన్నా...
నీవూ...
కుశలమే ననుకుంటున్నా...

ఎదలోతుల దాగిన
ఎనలేని ప్రేమను
తెలుపలేక....
దాచుకోనూ లేకా...
సతమవుతూ ఉన్నా....
ప్రియా...ప్రియా...ప్రియా....

నీ దూరంలో
ఈ కాలం ఆగిందా...
అనిపిస్తూ ఉంది
నిను విడువని నా తలపు
మరి...మరి...
ఉడికిస్తూ ఉంది
ప్రియా..ప్రియా..ప్రియా...

విరహం విమానమెక్కి
చప్పున వచ్చేస్తావా....
మమతల మబ్బులనే
మచ్చిక చేసుకొని
వలపుల వానలు కురిపిస్తావా...
ఆ జల్లులో తడిసి మనం
తేనెల విందులు చెద్దాము
మరి ఉంటా మరి....
ప్రియా...ప్రియా...ప్రియా...