ujatha Thimmana(ద్వితీయం) ఓ స్త్రీ మూర్తి..!

త్రిమూర్తులను సైతం చిన్ని పాపలుగా మార్చి....
తన ఒడిలో ఊయల లూపిన
అనసూయ మహాసాధ్వి..ఓ స్త్రీ మూర్తి..!
ఆలుమగల అనురాగానికి భాష్యం చెపుతూ...
తన తనువులోని ప్రతి...అణువు అణువులో
రామ తత్వాన్ని నింపుకున్న సీత ఓ స్త్రీ మూర్తి..!
ఏడుగురు సవతులతో పాటు..
పదహారువేల గోపెమ్మలతో..కృష్ణుని పంచుకున్నా..
ఒక్క తులసీ దళంతో భర్తను గెలుచుకున్న రుక్మిణి..ఓ స్త్రీ మూర్తి...!
అసత్యమాడని హరిచ్చంద్రుని మాట నిలుపుటకు...
తనని తాను అంగడి సరుకుగా మలచుకొని...
మగని విలువ కాపాడిన చంద్రమతి ఓ స్త్రీ మూర్తి...!
అల్పాయుష్కుడైన సత్యవంతుని ప్రాణాలను
తీసుకు వెళుతున్న యమధర్మరాజును వెంబడించి...
ఎదురు నిలిచి పోరాడి మాంగళ్యాన్ని పొందిన సావిత్రి ...ఓ స్త్రీమూర్తి..!
బానిసత్వపు కోరల్లో చిక్కిన భారతదేశాన్ని...
తెల్లదొరల అధికార..అహంకారాలకు బలవుతున్నప్రజల
రక్షించుటకు రణరంగాన కదం త్రొక్కిన ఝాన్సీ రాణి...ఓ స్త్రీ మూర్తి..!
రణరంగమయినా రాజకీయమయినా ఒకచేత్తో పట్టం కడుతూ..చావు
నెదిరించి బిడ్డను కని.స్థన్యమిచ్చి పోషించే ఆత్మీయ.. ఓ స్త్రీ మూర్తి!