*****ఎవరో..ఎవరో...******
నిన్న రాతిరి కలలో...కనిపించెనే...
తెల్లని గుఱ్ఱముపై స్వారి చేస్తూ..
మేఘాల దారిలో..మేను విరుస్తూ..
ఎవరో...ఎవరో....ఆతను వెన్నెల రేడు..
తెల్లని గుఱ్ఱముపై స్వారి చేస్తూ..
మేఘాల దారిలో..మేను విరుస్తూ..
ఎవరో...ఎవరో....ఆతను వెన్నెల రేడు..
కల అనుకుంటే ...ఏదో కలవరము..
కాదనుకుంటే....నిజమవ్వాలని..
ఏవో ఆశల ఆరాటము...
కాదనుకుంటే....నిజమవ్వాలని..
ఏవో ఆశల ఆరాటము...
వేకువలోనా...వెన్నెల కురిసేనేమిటో...
కురులలో చేరి..విరిసిన విరులకు ..
ఆపని ఈ గుసగుసలెందుకో..
కురులలో చేరి..విరిసిన విరులకు ..
ఆపని ఈ గుసగుసలెందుకో..
పులకరింతల తనువుకు..ఈ పరవశమేమిటో...
ఎదలో చిత్రించుకున్న ఆ అస్పష్టరూపం
కన్నుల ముందు నిలిచేదెన్నడో...
ఎదలో చిత్రించుకున్న ఆ అస్పష్టరూపం
కన్నుల ముందు నిలిచేదెన్నడో...
సంగర్షణల మది ఊయల ఊగుతున్నదేమిటో...
పోగవుతున్నవి..క్షణాల గుట్టలని...
పోగవుతున్నవి..క్షణాల గుట్టలని...
మోయలేక పరువాలబరువును..
చెంత చేరే చెలునికి ఆసాంతము సొంతంచేయాలని...
పంటిబిగువున పలకరింపులను దాచి..
విరహిణి అయి వేచియున్నదా..లలనామణి..
అలంకారాలను తోడు చేసుకొని..!!
చెంత చేరే చెలునికి ఆసాంతము సొంతంచేయాలని...
పంటిబిగువున పలకరింపులను దాచి..
విరహిణి అయి వేచియున్నదా..లలనామణి..
అలంకారాలను తోడు చేసుకొని..!!
కామెంట్లు లేవు:
కామెంట్ను పోస్ట్ చేయండి