దాచు కున్న నిధులలో దొరికిన...ఓపాట...సరదాగా...

ఉంగరాల జుట్టున్న
చిన్నవాడా..
నిన్ను చూస్తుంటే..
నా మనసు
ఆగనంటుంది ఓరయ్యో..

చక్కనైన మోమున్నా..
చిన్నదానా...
నిన్ను చూస్తుంటే...
నా వయసు
అల్లరి చేస్తుంది ఓలమ్మీ..

అద్దాల రైక
బిగ కట్టి..
పైట చెంగు
ముడి పెట్టి..
చీర కుచ్చిళ్ళు
ఎగదోపి..
చేత వరినారు
పట్టుకొని..
నాట్లు ఏస్తుంటే...
ఓలమ్మీ...
నడుము ఓంపులోన..
నా చూపు ..
గిలా గిలా లాడింది...ఓలమ్మీ...//ఉంగ //

అడ్డ పంచె
కట్టినావు..
ఆచ్చాదన లేని
జబ్బలతో...
చురకత్తుల
చూపులతో.
చర్నాకోల
జడిపిస్తూ..
జోడెడ్ల బండి నువ్వు
తోలుతుంటే...
ఎగసిపడు నీ
మగసిరికి చిక్కి
నా గుండె...
విలా విలా లాడింది...ఓరయ్యో..//చక్కనైన //

ఎంకిలా గున్నావు..
ఎదుట ఉండి
దగ్గర రాక
ఏడిపిస్తున్నావు...
నాయుడు బావ నీవైతే..
నిజాము కాద ఈ ఎంకి..
ప్రేమ జాతరలే చూసుకుంటూ..
పరువాలపండగలే చేసుకొందము....//ఉంగ//