మీవే..మీవే..అని..!
సాయంసంధ్యను వీడుతూ .....
ముసురుకుంటున్న చీకట్లకు
వెన్నెల పంచాలనే ఉబలాటంతో
ఉదయిస్తున్న పున్నమి జాబిలితో..
పోటీపడుతూ..ఎదురునిలిచిన నా చెలి..
అందాలను బందించిన అనుబందంతో..
నునుసిగ్గులలో పూసిన ఎర్రని రోజాలు..
ప్రీతిగా గొనుమని తెలిపే..అల్లరి చూపులు..
అందించిన చేతిలోని స్పందనలు .
.చెప్పకనే చెపుతున్నాయి...
జడలో తురిమిన మల్లెలంత స్వచ్చంగా..
ఊగుతున్న జూకాల కదలికలంత ఇష్టంగా....
చేతికున్న గాజుల గలగలలంత పవిత్రంగా..
మనసా ..వాచా..కర్మణా ...అర్పణలన్నీ..మీవే..మీవే..అని..!