ముద్దబంతులు..


.మూగ భావాలను ఎదలో మోస్తూ..
ముచ్చట తీరా నవ్వే..ముద్దబంతులు
...

పండుగలలో తోరణాలై పలకరిస్తాయి..
అలంకరణలలో ప్రధమ స్థానం
తమదే నంటూ భాసిస్తాయి...
కుల..మత..జాతి బేదాలు తెలియనీయక
అందరి ముంగిలిలో..నెలవై కొలువుంటాయి...
పసుపు..ఎరుపు...నారింజ ..రంగురంగులలో..
వికసించే..ఈ ముద్దబంతులు ...
పొడవైన సూది గుండెలో గుచ్చినా..
దారానికి బానిసై...బ్రతుకు పుస్తకంలో
ఒక పెజిగానే ...మిగిలిపోతాయి...
కానీ ...ఎందుకు అని ప్రశ్నించని
పసి ప్రాణాలే...మరి..ఈ ముద్దబంతులు...!!