ఎంత కరుణయా నీకు నాపై..

హిమ శిఖరమల్లే నీవుండి..
గంగమ్మనే నా కన్నులకిచ్చినావే..
ఎంత కరుణయా నీకు నాపై..

ఆత్మలో నిలిచి ప్రతిక్షణం
ఆవేదనల అభిషేకాలు చేయించుకుంటున్నావే...
ఎంత కరుణయా నీకు నాపై..

నీ నామంతో గుచ్చబడిన
నా శ్వాసల హారంతో అలంకరించుకుంటున్నావే..
ఎంత కరుణయా నీకు నాపై..

కనిపించే దారులన్నీ మూసేసి
ముల్లోకాలకధిపతిని నేనే అంటూ మదిని తిష్టవేసినావే..
ఎంత కరుణయా నీకు నాపై..

అమ్మలగన్నఅమ్మకు పతి అయిన శంకరా
సతికి అర్ధభాగమిచ్చిన అర్ధనారీశ్వరా..
శివోహం.....శివోహం ..ఓంనమశ్శివాయః ...