నీలమేఘస్వాముని
నీలాల కన్నుల్లో నిలిపుకొని
మగని వలపులతో మురిసి
వికసించిన పద్మంలాంటి మోముపై
నెలవంక చిరునగవయినా...
పున్నమి వెన్నెల కురిపిస్తూ..
ఆ రాముని పతిగా పొందిన సీతమ్మ ...

స్వయంవరాన శివుని విల్లు విరిచినది
చూపరులకయితే...
అంతఃపురం నుండి
జానకి వేసిన చూపుల బాణానికి
తన మనసును తగిలించి ఇచ్చిన వైనం రామునిది..

ఆలుమగల అన్యోన్యతకు ఆదర్శమూర్తులై
జగత్తును రక్షించే ఆ అది దంపతుల అండ
మనకందరకు ఎల్లప్పుడూ ఉండగా ...
దిగులు లేక ఆ రామ నామం స్మరించుకుంటూ
మానసిక శాంతిని పొందుతూ ఉందాము..
శ్రీ రామ... శ్రీ రామ... శ్రీ రామ..!!