తల్లీ వరలక్ష్మీ దేవి..!
మావిడాకుల తోరణాల సన్నాయితో స్వాగతం చేతున్నానమ్మా .
మంచి ముత్యాల సరులవోలె రంగవల్లులు తీర్చి మరీ.. తల్లీ వరలక్ష్మీ దేవి !
మంచి ముత్యాల సరులవోలె రంగవల్లులు తీర్చి మరీ.. తల్లీ వరలక్ష్మీ దేవి !
మణిమయసువర్ణ ప్రతిమను మనసున నిలుపుకొని...
పసిడి వర్ణపు పుష్పాల నీకలంకారం చేసితినే తల్లీ వరలక్ష్మీ దేవి.!
పసిడి వర్ణపు పుష్పాల నీకలంకారం చేసితినే తల్లీ వరలక్ష్మీ దేవి.!
శ్రవణమాసపు శుక్రవార శుభఘడియలలో ..మది గదిలో కొలువు తీర్చి
ఆచమనము...అష్టోత్తర అర్చనలతో నిను పుజింతునే తల్లీ వరలక్ష్మీ దేవి !
ఆచమనము...అష్టోత్తర అర్చనలతో నిను పుజింతునే తల్లీ వరలక్ష్మీ దేవి !
పరమేశ్వరుడు తన ప్రియపత్ని అయిన పార్వతికి..లోకాల గాచుటకు
ప్రియమారా నీ వ్రత విధానము తెలియజేసేనే తల్లీ వరలక్ష్మీ దేవి ..!
ప్రియమారా నీ వ్రత విధానము తెలియజేసేనే తల్లీ వరలక్ష్మీ దేవి ..!
చారుమతి స్వప్నమున దరిశన మిచ్చినావట అనుగ్రహముతో ..
ప్రీతి వాక్కులు పలుకుతూ..నిను సేవించమని చెప్పినావట తల్లీ వరలక్ష్మీ దేవి..!
ప్రీతి వాక్కులు పలుకుతూ..నిను సేవించమని చెప్పినావట తల్లీ వరలక్ష్మీ దేవి..!
సంతసించిన ఆ ఇల్లాలు తన చెలులతోగూడి భక్తి శ్రద్దలతో ..
వ్రతమాచరించినంతనే..సౌభాగ్యాల కోరి వరము లిచ్చినావట తల్లీ వరలక్ష్మీ దేవి ..!
వ్రతమాచరించినంతనే..సౌభాగ్యాల కోరి వరము లిచ్చినావట తల్లీ వరలక్ష్మీ దేవి ..!
నీ కృపాకటాక్షాల భారాన్ని మోస్తూ..చల్లని చూపుల రేఖలు..
మాపై ప్రసరింపజేయ.. మాఇంట ఆసీనురాలివి కావే తల్లీ వరలక్ష్మీ దేవి ..!
మాపై ప్రసరింపజేయ.. మాఇంట ఆసీనురాలివి కావే తల్లీ వరలక్ష్మీ దేవి ..!
నవ సూత్రముతో బందించుకొని ...నవనైవేద్యముల నివేదన చేసితినే తల్లీ వరలక్ష్మీ దేవి !
కామెంట్లు లేవు:
కామెంట్ను పోస్ట్ చేయండి