సముద్రం...ఏదైనా....

పరవళ్ళు తొక్కుతూ పారాడిన నడులన్నిటిని...తనలో కలుపుకుని
అలల సందళ్ళతో ఆహ్లాదపరుస్తూ....వెన్నెలంటి నురగనందిస్తుంది

అనంతమైన ఆకాశానికి తాను దర్పణమై నిలిచి ..
తనలో ఇముడ్చుకుందా..అనిపిస్తుంది నీలవర్ణంలో మెరుస్తూ..

తొలి సంధ్యలో...బాల బానుని ప్రసవిస్తూ..పురిటి నొప్పులను అనుభవిస్తే...
మలిసంద్యలో స్మశాన వైరాగ్యాన్ని పొందుతూ...స్థబ్దమవుతుంది..

తుఫాను తాకిడికి అల్లకల్లోలమయినా..తనలోతానే సుడులు తిరుగుతుంది..
అగ్ని పర్వతాలు లోలోన బ్రద్దలైనా..గుంబనంగా ఎగిసి పడుతూఉంటుంది..

సకలజలచరాలకు జీవాన్ని ఇస్తూ..అనంతమయిన సంపదను తనలో దాచుకొన్నా
అంతుపట్టని సముద్రతీరం ఎప్పుడూ...అపురూప దృశ్య కావ్యమే...

కష్టాలు..కలతలు ..ఏకమై..ఎదకోత కోస్తున్నా ఏమరపాటుకు లోనవక
హృదయ సముద్రం... ఓదార్పుల అలలతో సాంత్వన నిస్తుంది..

సంతోషాల సరదాలు ఉప్పొంగినా....దుఃఖాల నదులు దూసుకొచ్చినా
మనిషి మనుగడకు తాను నిరంతరం శ్రమిస్తూ...జీవదానం చేస్తుంది..
అందుకే...సముద్రం...ఏదైనా...అనంతం...అద్భుతం..అపురూపం...!!!