సుజాతను ....

సుజాతను నేను... అమ్మానాన్నల ప్రియ సుతను నేను...
సుమనోహరుడి వలపు వెన్నెలను ఆస్వాదించు ప్రియసతినై...
సువిశాల జగతిలో నేనొక చుక్కల పల్లకీలో పయనించు అభిజాతనై...
సుమధుర స్వప్నంలోని మధురోహల్లో తేలిపోతూ...ఆ
సుప్రభాత సుందరుని లేలేత కిరణాలకి...
సుస్నేహ పవన మాలికల వీవనల స్పర్శకు...
సుఖ నిద్రా ప్రపంచంలోనుంచి ఇహలోకంలోకి బలవంతంగా వచ్చి...
సుముఖంగా ముఖ ప్రక్షాళన గావించి, సుమబాలలా స్నానించి...
సువాసనా భరితమైన ఫిల్టర్ కాఫీని ఆస్వాదిస్తున్నా...
సుర్ సుర్ మని కాలుతున్నా, లెక్క చేయక, మధురమైన రుచిని ఆస్వాదిస్తూ...