ఒంటరినైనా.....

ఇంతై...అంతై..ఎంతో ఎదిగిన
వామన మూర్తే...నా ఆదర్శం...
మూడడుగుల నేలనడిగి...
ముల్లోకాలు ముట్టడించాడు...

భారత మాత బిడ్డని...
భయం తెలియని వీరుణ్ణి..
సూర్యుడి నుంచి తేజస్సును
వరంగా పొందాను...
సహనమైనా...సమరమైనా....
స్థైర్యం కోల్పోని యొధుణ్ణి..

చనుబాలతో పాటు
ఉగ్గు రంగరించి...ఉంగాలే కాదు...
ఉక్కు పిడికిళ్ల నిశ్చలత్వాన్ని
నేర్పిన అమ్మ ఆలింగనాలు
శిధిలాల నడుమ ఒంటరినైనా ....
ఆత్మబలాన్నిచ్చే...
ఆయువు గుళికలు..!!