ఆనందాణువునై ....

శ్వాస తరంగాలతో జీవం నింపుకుంటూ....
రక్తమాంసాల ఆకారన్నిచ్చుకుంటూ....
ఎదిగానమ్మా...ఉమ్మనీటిలో ఈదులాడుతూ...
మరణాన్ని సైతం లెక్కచేయక
జన్మ నిచ్చావమ్మా...!!

ఆడపిల్లనని అందరిలా అలుసు చేయక
అక్కున చేర్చుకుని పెంచావే...

నీ ఆశయాలకాయువుపట్టును నేనై...
విషపు చూపుల తూటాలకు ఎదురు నిలిచి
"ఆత్మాభిమానం " మా అమ్మగారిల్లని నిరూపిస్తానమ్మా !!
నీ కంటి చివర నిలిచినా నీటి చుక్కలో...
ఆనందాణువునై ....