జీవితం జీవించు ...

అమ్మే అడవని తెలిసినా ..
అమ్మ పాలుత్రాగి 
రొమ్మును గుద్దే పిల్లలల్లే...
అడుగడుగునా అవసరానికి 
మొక్కలపై ..చెట్లపై ఆదారపడుతూ..
జీవనం సాగిస్తూ ఉన్నా..
తమ ఆడంబరాలకు ..
సంపాధించాలనే ఆశలకు ..
పచ్చగా మహా వృక్షమై ఎదిగిన చెట్టును 
మొండంగా చేస్తూ ..
తెగ నరుకుతున్నారు ..
"మని "మత్తును తాగుతూ ..
మనిషితనం మరచి..
ప్రాణవాయువును అందించే 
అమృతమయి అమ్మలాంటి చెట్టును 
కనికరాన్ని కనీసవస్తువుగా వాడుకోక 
కృత్రిమత్వాన్ని ..వాతావరణ కాలుష్యాన్ని 
లోకానికి అందిస్తూ...చెట్లను తెగ నరుకుతున్నారు ..

ఓ మనిషీ...
ఎప్పుడైనా విన్నావా...
ఓ చెట్టు వినిపించే మూగ వేదనను ...
ఓ మనిషీ..
ఎప్పుడైనా కన్నావా...
ఆ చెట్టు బెరడుల్లోనుంచి ..
కారుతున్న గుండెకోత వ్యధను,,,

మానవత్వం మరచిన ఓ మనిషీ..
మాను అని మనసు లేదని అనుకోకు..
ప్రాణం తీయాలని నీవు చూసినా..
ఓ చిరుజల్లు కురిస్తే..
ఒకనాటి సూర్య కిరణాలు సోకితే..
మోడుగా మిగిలినా..
మరల మీకోసం చిగురులు వేస్తాను ..
కొమ్మలుగా విస్తరిస్తాను ...
తీసుకోవటం నీ నైజం ఐయితే..
ఎప్పటికి ఇవ్వటమే నా తత్వం ..
తెలుసుకో మనిషి ..
ఒక్క క్షణం నా గురించి అలోచించి 
జీవితం జీవించు...!! 
*************