రారాజులము ..

నేలమ్మని నమ్మినాము ..
నింగికేసి చూసినాము ..
కరి మబ్బులు కమ్ముకు రావా..
కానుకగా వర్షపు చినుకలనీయవా..

కష్టానికి నెరవమని
వీస్తున్న ఈ గాలి దొరకి తెలుసు..
సూరీడి తాపానికి తాను ఆవిరై
మా కన్నుల చేరి ..
కన్నీరై పారుతున్నానని ..
ఆ చెరువు తల్లికి తెలుసు...

పచ్చని పైరుల నిండుగ కంకులతో
వచ్చిపోవు పక్షుల పలకరిస్తూ
నందనవమల్లె ఉన్న ఈ భూమికి ..
ఏ కరువు రక్కసి దిష్టి చూపు చూసిందో..
మూడేళ్ళ నుంచి ముక్కలు ముక్కలుగా ఇరిగి
చెలమ తడి కానరాని భీడైనదీ..

ఎదురు చూపులే వేడుకోలుగా ఎంచి..
ఓ వానదేవా...కనికరము చూపుమయ్యా..
ఆలుబిడ్డల అరచేతిల అన్నం ముద్దనుంచు
అదృష్టమునిచ్చి ఆదుకోవయ్యా...
అన్నపూర్ణమ్మ వారసులము మేము
రైతన్నలము ..పంటచేలలో పరవశించు రారాజులము ..!! .

Like

Comment