వానా...వానా...వల్లప్పా..

"వానా...వానా...వల్లప్పా..వాకిలి గిరుగు తిమ్మప్పా..."
ఆహా..! ఆ రోజుల్లో...అమాయకత్వపు అస్వాదనలు..
చిట పట చినుకుల్లో....చిందులు వేసే..అల్లరులు..
వళ్ళంతా తడుస్తూ ఉన్నా....ఎగ ఉపిరితో..కేరింతలు..
ఆరుబయట ..ఆమని అందాలతో పోటీ పడుతూ...
నీరెండ నిగనిగల సోయగాలతో కలగలిసిన చిరుజల్లులు..

అయిదేళ్ళ ప్రాయంలోకి వెళ్ళిన మనసును వెనక్కి పిలిచి...
"అమ్మలు.." ఏంటా తడవటాలు..చలి ,జ్వరం వస్తుంది...
లోనికొచ్చేయి...' అనే అజమాయిషిలు..
ఇంద్రదనుసు రంగుల్ని..ఏకం చేస్తూ...పసివాళ్ళ భాల్యాన్ని..
బంగారు పంజరంలో బందిస్తూ...
అతి జాగ్రత్తలు చెప్పే..అమ్మని కదూ..మరి..!