'గుడి ' సె ..
'గుడి'సె..అనే పదంలో నే గుడి ఉంది...
అందుకే...ఆ పూరి గుడిసె.. ఓ దేవాలయం..
మట్టి కుండలోని ..మజ్జిగ మెతుకులనయినా..
మమతల రంగరింతలతో ..పంచుకునే ప్రేమాలయం..
...
బ్యూటిపార్లర్లు ..తెలియవు కాని..
అమాయకత్వపు క్రీములను పూసేసుకొని..
మంచితనమే ..నిజం అని నమ్మే..సహజ రీతితో..
కాయ..కష్టం చేసుకుంటూ..కలిసి ఉండేదే వీరి జీవితం..
ప్రకృతమ్మ ఒడిలో సేదతీరుతూ..
ఆమె అగ్రహంలో...అసువులు బాస్తూ..
పున్నమిలో..వెన్నెలల విందు చేసుకుంటూ..
భాస్కరునితో..పాటు సాగేదే వీరి బ్రతుకు పయనం..