పెప్పర్ స్ప్రే తో...!!
"అమ్మా ..నేను కాలేజికి వెళ్ళను...
ఇక చదువు మానేస్తా..."
అని ఆనాడే చెప్పిన కూతురు మాటలకి...
ఇసుమంతైనా విలువనివ్వలేదాయె...

కళ్ళు మూసుకు పోయిన కర్కశత్వం
గెలుపు సాధించాలనే మూర్ఖత్వం
పసిడి తనాన్ని భగభగలాడించింది..
ఆడపిల్ల ఆక్రోశం ..అగాధాలలో అల్లాడుతుంది..
తప్పెవరిదంటూ తరచి చూసుకుంటూనే ఉన్నాం..
అయినా రోజూ జరుగుతూనే ఉన్నాయి..జరిగే ఘోరాలు..
అమాయకత్వం వీడి...మన అమ్మాయిలంతా ...
తమని తామే కాపాడు కోవలె...చెంత పెప్పర్ స్ప్రే తో...!!