అదిగదిగో చిలుక
ఎగిరి పోతున్నది ఎచటికో
అది గదిగో చిలక

గుండె గూటిలో 
గుబులుగున్నదని
ఎగిరి పోతున్నది చిలక

శ్వాసల చప్పుళ్లకు
బెదిరిపోతూ ...
ఎగిరి పోతున్నది చిలక

మాట్లాడలేని మౌనాలలో
నలిగి పోతూ ...
ఎగిరిపోతున్నది చిలక ..

నశించిన మనిషితనంలో
మలిగిపోతూ ...
ఎగిరి పోతున్నది చిలక ..

రగిలే ద్వేషపు మంటల్లో
మసి అయిపోతూ ..
ఎగిరి పోతున్నది చిలక ..

ఆత్మ అను పేరుతొ
ఆహరహరము అల్లాడుతూ ...
ఎగిరిపోతున్నది చిలక ...

కాయం విడిచిన చిలక
విశ్వంలో పరమాత్మను వెతుకుతూ ...
ఎగిరి పోతున్నది చిలక...