'ఇష్ట సఖి '

అలిగిన వేళ అందాలు
అరవిచ్చు కుంటూ
ఆరేసుకుంటాయి ..
సత్య కన్నుల్లో ..
ఉదయ అరుణిమలు..
చూపుల్లో పున్నమి వెన్నెల్లలా ..

ఆరాధనా విరుల దండలతో
కృష్ణయ్య చెలి కురుల తురుముతూ
'ఎంతటి వాడినైనా..నీ దాసుడనే సఖీ'
అన్న భావనల సమర్ధింపులతో
జాగు చేసిన సమయాన్ని
జంట సరసాల జావళిగా మార్చే ..

అష్ట భార్యలయినా ..
ఇష్ట సఖి సత్య ..
ఇంపుగ మగని కొంగున దాచుకుని
మురిపాల విందులనారగిస్తూ ..
ముచ్చటగా మురిసిపోయే..!!