గుర్తుండాలని ..!
మన జీవన ప్రయాణంలో ..
అర్ధ శతకం పూర్తి చేసుకున్నా...
వాడని వలపు పూవులకు .....
వీడని సువాసనలు..
ఎదలో పులకరింతల కవ్వింతలవుతున్నాయి..

సాగరం లాంటి సంసారాన్ని
అవలీలగా ఈదగలిగినాము..
ఒకరికి ఒకరం ఉంటూ...
ఒకటిగా మెసులుతూ..
అనుబంధాన్ని పటిష్టం
చేసుకున్నాము ఆది దంపతులమై..
కాలాలు మారినా...
సంవత్సరాలు గడిచినా...
యవ్వనం వీడి...
వార్ధక్యం మనకి చేరువయినా...
లాలిత్యమైన మన ప్రేమ
ఎప్పుడూ అమరమైనదే...
కడదాకా నీ కన్నుల నా మోము
నిలుచుండాలన్నదే నా ఆకాంక్ష..
కనిపించని ఆ దేవునికి
ప్రణమిల్లుతూ వేడుకుంటున్నా,,
మరు జన్మకీ ..
మూడుముళ్ళు వేసేటప్పుడు
కలిగిన నీ వెలి స్పర్స గుర్తుండాలని..!!