*****నాయుడు బావవే కాలేవా...!********
కొప్పులోన పెట్టిన మల్లెపూల ఊసులు...
వినకుండా...ఏడకెళతావు బావా...
ఎదలోన చేరి ...గుస గుసల రొదలను వినలేవా..

పరువాల పట్టేమో పైటంచును దాటింది..
పగటిని దాటేసి, సంధ్య చీకట్లను చేరింది..బావా..
మదిచేసే మారాముకు మాలిమైన కాలేవా...
ఏటి అలలు ఎక్కసంగ ఏదేదో చెపుతున్నాయి..
గాలి తెరలు గిలగింతల అల్లరులే చేస్తున్నాయి బావా..
ఏమరపాటు వీడి నీ వలపుల చెలిమిని చేయలేవా..
ప్రాణాలన్ని నీపైనే..కలవరింతల క్షణాలైతే..
నీ సందిట కాపురముంటా యుగాలకైనా బావ..
ఈ ఎంకి చిక్కని చూపుల్లో చిక్కిన నాయుడు బావవే కాలేవా...