ఒక్కసారే....

తెల్లగా విచ్చుకున్న మల్లెలు
ప్రియమారగా పలకరించినా....
జవాబు చెప్పాలానిపించదు...
ఒక్కోసారి....

చల్లగా వేచే పిల్ల గాలుల
తాకిడికి ముంగురులు
ముఖం పై పిచ్చి గంతులేస్తున్నా
సరిచేసుకోవాలనిపించదు
ఒక్కోసారి.....

ఏటి తరగల్లొ మునకలేస్తున్న
పదాల కదలికలకు
మువ్వలు చేస్తున్న సవ్వడులు
శ్రావ్యంగా వినిపిస్తూ ఉన్నా...
శ్థబ్ధత నొదల నంటుంది మనసు
ఒక్కోసారి.....

"ఒక్కోసారి" అన్నీ
ఒక్కసారే....నన్ను
చుట్టు ముట్టి
శూన్యపు చట్రంలో
బిగించేశాయి...

ఎందుకో తెలుసా నేస్తం!!

నా తలపు
నీ ముగింట చేరటంలేదని

నా పిలుపు
నీ ఊహల దారిలో
నడవడం లేదని....

జీవం నింపలేకపోతున్న
శ్వాస...తరంగం
చివరగానైనా ....నిన్ను
తాకలేక పోతుందని....