అతివ !!!

అన్నపూర్ణ అంశలో జన్మించి
ఆపద సమయంలో తన.. పర.. మరిచి
అభయహస్తమిచ్చు అతివ.....

భానుని తీజస్సును తన నుదిటిన ధరించి
కడ్ఘమైనా...కలమైనా..
అలవోకగా కదిలించే అతివ...

సీతా ..సావిత్రుల మారు రూపమై..
సహనం ఇంటిపేరుగా..
తనదైన అత్మవిశ్వాసం చాటుకునే అతివ ..

శాంతి సౌఖ్యాలను తన దోసిలిలో పట్టుకొని
చిరునవ్వుల నెలవులను
పోగేస్తూ.. నందనవనం చేయు అతివ

వీర నారి అయి అమరమైనా...
చరిత్రలో నిలిచి..
యువతరానికి మార్గదర్శకమై..
అజరామరమౌ వనిత ..
తానెన్నటికీ "సబల" నేనని
నిరూపిస్తుంది..

మగవాడి మాయ మాటలే..
'అబల ' అను పదం ...