సాక్షి..

ఓపలేని సొగసులకు ..
నిన్ను తమలో ఇముడ్చుకోలేనితనంతో ..
బరువెక్కి.. అరమోడ్పు లయిన 
ఈ కనురెప్పలే సాక్షి..

నీ తలపుల పులకరింతలతో..
ఎరుపెక్కిన చెక్కిళ్ళను 
సుతి మెత్తగా తాకుతూ..
.మర్మాన్ని గ్రహించిన .ఈ గులాబీలే సాక్షి...

మేలిముసుగు పరదాలో..
దాగిపోవాలని యత్నించే అందాలకు 
నీ శ్వాసలను మోసుకొచ్చిన చిరుగాలి అల్లరులకు 
మోముపై సైయ్యాటలాడుతున్న ముంగురులే సాక్షి...

నిరీక్షణలో గడిచిన రాతిరికి..
నిదురను మరిచి ఎరుపు జిరలను 
అరువు తెచ్చుకున్న కనులకు..
ఉదయ సంధ్యను స్వాగతిస్తూ...
మసీదు ప్రాకారం నుంచి....
‘అల్లా ఓ అగ్బర్’ అని వినిపించే ప్రార్దనే.. సాక్షి...!!