నీ కోసమే...

యవ్వనపు
ఉదయ కిరణాల తాకిడికి
ఉలికి పడి లేచి...
మది తలుపు గొళ్ళెం తీసి..
హృదయ ద్వారాల
వలపు వాకిళ్ళలో...
తలపుల రంగవల్లులను
తీర్చి దిద్దాను ..

ప్రియా..!!
హరివిల్లువై వస్తావా...
సప్తవర్ణాల దృశ్యమాలికవై..

వేఘమై వస్తావా..
చిరుజల్లుల తన్మయత్వమై ..

మెరుపువై వస్తావా...
మింటిచుక్కల మరిపిస్తూ..

చందమామవై వస్తావా..
వెన్నెలదారుల విహరింపజేస్తూ..

ఇలా..
ఆలోచనల ఆలంబనలపై ..
ఊహల లతలలో అల్లుకుపోతున్నా....
మరి..నీ కోసం..

నీ వెవరో...ఎలా ఉంటావో...
ఎమీ తెలియదు ..
కానీ...
నా తలపుల రంగవల్లులను
నీవొక్క సారి చూస్తే చాలు ..
నీ అడుగులో అడుగు వేస్తూ..
నీతో నడిచొస్తా..
నీ కోసమే..నే జీవిస్తా...!!