ఉగాది లక్ష్మి...

మావి చిగురులు నావి..
మామిడీ కాయలు మీవి...
అంటుందా గండు కోయిల...
కుహు.కుహు... అంటూ..
గొంతు సవరించుకొంటూ..

అలుకలనున్నదో..ఏమో..మరి..
పచ్చని చిలక...ఎర్రని ముక్కుతో..
రామ..రామ..అంటూ...
వసంతునికి పితూరీలు చెపుతుంది..
గుబురుల్లోంచి తొంగి చూస్తూ...

ఒంపులు తిరిగిన నదిపాయలాంటి జడలో..
తురిమిన మల్లెలన్ని..నవ్వుతున్నాయి పకపకా..
కొత్త కోక కట్టుకున్న చిన్నదాని అందాలు..
సోగ కన్నుల మెరిసే..తళుకులు ..
ఋతువుల న్నిటిని కలబోసిన
ఆరు రుచుల ఉగాది పచ్చడిని
చేత బూనిన వయ్యారాలు ...
వసంతునికి స్వాగతం పలుకుతూ...
జయనామ వత్సరాది చెడులను దూరం తోసేసి..
అష్ట ఐశ్వర్యాలను ...అరురరోగ్యలను ప్రసాదించాలని
ప్రతి ఒక్కరు లేదు అన్న పదం లేకుండా జీవించాలని ..
స్నేహసిలతతో పాటు సమతాబావంతో మెలగాలని ..
కోసృకుంటున్నాయి..శుభాకాంక్షలతో....