నీవు....

పారిజాతమివ్వలేదని
అలుకలు బోయి
ఓరకంట కృష్ణుని శాసించే..
సత్యభామవే...!!

మహిషాసురుని వధించ
రుద్రరూపం దాల్చి...
అసామాన శౌర్యంచూపి ..
అగ్ని శిఖలు కనుల కురిపించిన ఆదిశక్తివే.....!!

అసురలనుండి సురను రక్షించ
యోచించిన విష్ణుమూర్తి అంశగా..
ముల్లోకాల సౌందర్యాలను రాసిపోసుకున్న
అపురూప సుందరి జగన్మోహినివే ...!!

ఏ పాత్రలోనైనా...అభినయాన్ని
ఆహార్యంగా మలచుకొని....
అలవోకగా అందెల పాదాల నర్తించే
ఆంద్రావని కూచిపూడి రమణివే...నీవు!!