ఎందుకో..
హృదయం అంత సముద్రమై పొంగుతుంది ఎందుకో
మూన్నాళ్ళ ముచ్చటే జీవితమని తెలుపుతుంది ఎందుకో
మూన్నాళ్ళ ముచ్చటే జీవితమని తెలుపుతుంది ఎందుకో
పూవు పూవు పై వాలుతూ తుమ్మెద
మధువంత తాగి పూవునూ మరుస్తుంది ఎందుకో ..
మధువంత తాగి పూవునూ మరుస్తుంది ఎందుకో ..
మావి చిగురు మేసినా గండు కోయిల
కుహు కుహు రావాల పలకకుంది ఎందుకో ..
కుహు కుహు రావాల పలకకుంది ఎందుకో ..
పున్నమి చంద్రుని వెన్నెలని దోచుకొన్నా గోదారమ్మ
వేదనల ఉప్పెనలతో ఉరుకుతుంది ఎందుకో ..
వేదనల ఉప్పెనలతో ఉరుకుతుంది ఎందుకో ..
ఏ మమత కోసమో మూగదైనా మనసు
ఎదురు చూపుల వర్షాన్ని కురిపిస్తుంది ఎందుకో..
ఎదురు చూపుల వర్షాన్ని కురిపిస్తుంది ఎందుకో..
